काठमाडौं । भारतका युवा नेता कन्हैया कुमार पक्राउ परेका छन्। नागरिकता संशोधन कानुनविरूद्धको एक महिने र्याली सुरू गर्न लाग्दा कन्हैयालाई प्रहरीले पक्राउ गरेको हो।
भारतको कम्युनिष्ट पार्टी मार्क्सिस्ट (सिपिएम)का नेता तथा जवाहरलाल नेहरू विश्वविद्यालयका पूर्वविद्यार्थी नेतासमेत रहेका कन्हैयाकुमारलाई बिहीबार बिहान बिहारको पश्चिम चम्पारणस्थित महात्मा गान्धी आश्रमबाट पक्राउ गरेको हो।
कार्यक्रम सुरू हुन केही समयअघि नै प्रहरी प्रशासनले उनीसँगै अन्य प्रदर्शनकारीलाई हिरासतमा लिएको ट्विटरमा लेखेका छन्।
प्रहरीले भने उनीहरूको कार्यक्रमले सरस्वती पूजामा असर पर्ने भन्दै पक्राउ गरेको बताएका छन्।
‘आज सरस्वती पूजा हो, उनीहरूलाई प्रदर्शन गर्न दिए समस्या आउन सक्ने भएर कन्हैयाकुमारलाई हिरासतमा लिएको हो,’ नरकटियागन्ज सब डिभिजनल प्रहरी सूर्यकान्त चौबेले भने। केहीबेर हिरासतमा राखेर प्रशासनले आफूलाई रिहा गरेको कन्हैयाकुमारले जानकारी दिएका छन्।
रिहा भएपछि एक महिना लामो अभियान सुरू भएको छ।
