काठमाडौं । नेपाली कांग्रेसका महामन्त्रीद्वय गगनकुमार थापा र विश्वप्रकाश शर्मालाई पार्टी संस्थापन समूहले कारबाही गरेको छ।
पार्टी केन्द्रीय कार्यालय सानेपामा बसेको केन्द्रीय कार्यसमितिको बैठकले महामन्त्रीद्वय थापा र शर्मासहित सहमहामन्त्री फरमुल्ला मन्सुरलगायतलाई ५ वर्षका लागि पार्टीबाट निष्कासन गर्ने निर्णय गरेको हो।
बैठकले पार्टी निर्णयविपरीत विशेष महाधिवेशन आह्वान गरेको आरोप लगाउँदै उनीहरूमाथि कारबाही गरिएको जनाएको छ। साथै, विशेष महाधिवेशनको पक्षमा उभिएका नेताहरूलाई आ–आफ्नो भूमिकामा फर्किन निर्देशनसमेत दिएको छ।
