काठमाडौँ । नेपाली कांग्रेसका महामन्त्री गगनकुमार थापा र विश्वप्रकाश शर्माले पार्टीको विशेष महाधिवेशनका लागि औपचारिक आह्वान गरेका छन्।
बुधबार एक संयुक्त वक्तव्यमार्फत उनीहरूले पुस २७ र २८ गते महाधिवेशन आयोजना हुने जानकारी दिएका छन्।
महामन्त्रीहरूले विशेष महाधिवेशन कानूनी र राजनीतिक दृष्टिले अपरिहार्य भएको बताएका छन्। तर, पार्टीको संस्थापन पक्षले भने महाधिवेशनमा सहभागी नहुन आफ्ना पङ्तिलाई निर्देशन दिइसकेको छ।
उनीहरूले धारा १७ (२) बमोजिम विशेष महाधिवेशन आह्वान गर्न २४८८ जना (५४.५८)प्रतिशत महाधिवेशन प्रतिनिधिले हस्ताक्षर गरी बदलिँदो राजनीतिक परिस्थितिमा पार्टीलाई सुदृढ बनाउन, जनभावना अनुरुपको नीति निर्माण गर्नका लागि विशेष निर्णय लिनु अपरिहार्य भएको पनि बताएका छन् ।
यो पनिः विशेष महाधिवेशन बोलाउने अधिकार पार्टीका कुनै पनि पदाधिकारी वा सदस्यलाई छैनः कांग्रेस
