तनहुँ । भिमाद नगरपालिका–३ का वडाध्यक्ष पदमराज सेन ठकुरीले आफूले पाउने सेवा–सुविधाबाट वडाभित्रका आर्थिक रूपमा कमजोर ८ जना एकल महिलाको स्वास्थ्य बीमा गरिदिएका छन्।
आफ्नो सेवा–सुविधाबाट सामाजिक उत्तरदायित्व वहन गर्दै ती महिलाहरूको स्वास्थ्य बीमा गरिदिन पाउँदा आफू अत्यन्तै खुसी भएको वडाध्यक्ष सेनले बताए। उनले बीमामार्फत ती महिलाहरूले आवश्यक स्वास्थ्य सेवा सहज रूपमा पाउने विश्वास व्यक्त गरेका छन्।
वडाध्यक्षले स्वास्थ्य बीमाको भरपूर उपयोग गर्दै महिलाहरूले आफ्नो स्वास्थ्य उपचारमा लाभ लिन सक्ने आशा समेत व्यक्त गरेका छन्।
वडाध्यक्ष सेनले यसअघि पनि आफ्नो सेवा सुविधाबाट वडाभित्र थुप्रै सामाजिक काम गर्दै आएका छन्।
