काठमाडौँ । काठमाडौँ निर्वाचन क्षेत्र नं. ५ बाट प्रतिनिधिसभा निर्वाचनका लागि प्रत्यक्षतर्फ एमालेका पूर्ववरिष्ठ उपाध्यक्ष ईश्वर पोखरेल एकल सिफारिस भएका छन्।
निर्वाचन क्षेत्रीय समन्वय कमिटीको बैठकले आगामी प्रतिनिधिसभा निर्वाचनका लागि पोखरेललाई उम्मेदवारका रूपमा सर्वसम्मत सिफारिस गर्ने निर्णय गरेको हो।
काठमाडौं–५ पोखरेलको गृह निर्वाचन क्षेत्र हो। उनी यसअघि पनि नियमित रूपमा यसै क्षेत्रबाट निर्वाचन लड्दै आएका छन्।
