एजेन्सी । बलिउडका दिग्गज अभिनेता धर्मेन्द्र अहिले धेरै बिरामी छन्। केही समयअघि उनको निधन भएको हल्ला चलेको थियो, तर ती हल्लालाई अभिनेत्री ईशा देओल र हेमा मालिनीले गलत बताएकी छन्।
यस्तोमा धर्मेन्द्रका प्रशंसकहरू उनका परिवारबारे जान्न चाहिरहेका छन्। धर्मेन्द्रको परिवार बलिउडका सबैभन्दा ठूला परिवारमध्ये एक हो। उनले दुईवटा विवाह गरेका छन् र उनका जम्मा छ जना सन्तान छन्।
धर्मेन्द्रको पहिलो विवाह
प्रसिद्ध अभिनेता धर्मेन्द्रले १९ वर्षको उमेरमा सन् १९५४ मा प्रकाश कौरसँग पहिलो विवाह गरेका थिए। त्यतिबेला उनले बलिउडमा आफ्नो करियर सुरु गरेका थिएनन्। प्रकाश कौरसँग धर्मेन्द्रका दुई छोरा र दुई छोरी छन्, अर्थात् उनी चार सन्तानका पिता बने।
पहिलो पत्नीका सन्तानहरू
धर्मेन्द्रका पहिलो पत्नी प्रकाश कौरबाट भएका सन्तानहरूका नाम सनी देओल, बोबी देओल, विजेता देओल र अजीता देओल हुन्। सनी देओल र बोबी देओल बलिउडका चर्चित अभिनेता हुन्। उनका दुवै बहिनीहरू विजेता र अजीता देओल भने चर्चाबाट टाढा रहन्छन्। धर्मेन्द्र र उनकी पहिलो पत्नीका सबै सन्तान स्थिर जीवन बितािरहेका छन्।
धर्मेन्द्रको दोस्रो विवाह
धर्मेन्द्रले पहिलो पत्नी प्रकाश कौरसँग डिभोर्स नगरी सन् १९८० मा अभिनेत्री हेमा मालिनीसँग विवाह गरेका थिए। हेमा मालिनी धर्मेन्द्रभन्दा १३ वर्ष कान्छी हुन्। विवाहपछि उनीहरूको दुई छोरीहरू भए — ईशा देओल र अहाना देओल।
सनी देओलको परिवार
धर्मेन्द्रका जेठा छोरा सनी देओल हुन्। उनकी पत्नी पूजा देओल हुन्, जो मिडियाबाट टाढा रहन्छिन्। उनीहरूका दुई छोरा छन् — करण देओल र राजवीर देओल। दुवै छोराहरू बलिउडमा आफ्नो करियर सुरु गर्ने तयारीमा छन्।
बोबी देओलको परिवार
धर्मेन्द्रका दोस्रो छोरा बोबी देओल हुन्। उनले आफ्नो बाल्यकालकी साथी तान्या आहुजासँग विवाह गरेका छन्। उनीहरूका दुई छोरा छन् — आर्यमन देओल र धरम देओल।
विजेता र अजीता
धर्मेन्द्रकी दुई छोरी विजेता र अजीता देओल कहिलेकाहीँ पारिवारिक समारोहहरूमा मात्र देखिन्छन्। विवाहपछि दुवै विदेशमा बसोबास गर्छन्। उनीहरू दुवै सामाजिक सञ्जालमा सक्रिय छन् र दुवैकी दुई(दुई सन्तान छन्।
ईशा देओल
हेमा मालिनी र धर्मेन्द्रकी जेठी छोरी ईशा देओल हुन्। उनले बलिउडमा पनि अभिनय गरेकी छन्। उनले सन् २०१२ मा व्यापारी भरत तख्तानीसँग विवाह गरेकी थिइन्, तर अहिले उनीहरू छुटिसकेका छन्। ईशाका दुई छोरीहरू छन् — राध्या र मिराया।
अहाना देओल
धर्मेन्द्र र हेमा मालिनीकी कान्छी छोरी अहाना देओल हुन्। उनले व्यापारी वैभव वोहरासँग विवाह गरेकी छन्। उनीहरूका तीन सन्तान छन्।
