काठमाडौंः नेपाली सेनाका सहायक रथी प्रेमध्वज अधिकारी सेनाको उपरथी दर्जामा पदोन्नती हुनु भएको छ ।
मन्त्रीपरिषदको गत फागुन २६ गतेको निर्णय अनुसार उहाँ उपरथीमा बढुवा हुनु भएको हो ।
श्री अधिकारीलाई प्रधान सेनापति महारथी प्रभुराम शर्माले फागुन २ढ गते जंगी अड्डामा आयोजित कार्यक्रमकाबीच उपरथी दर्जाको दर्ज्यानी चिन्ह प्रदान गर्नु भएको सेनाले जनाएको छ ।
पदोन्नती हुनु भएका उपरथी अधिकारी राष्ट्रिय निकुञ्ज तथा पर्यावरण संरक्षण महानिर्देशनालयमा नियुक्त हुनु भएको सेनाले जनाएको छ । उक्त कार्यक्रममा नेपाली सेनाका रथीबृन्द तथा अधिकृतहरुको उपस्थिती रहेको थियो ।
