काठमाडौं । नेपालमा कोरोना भाइरस (कोभिड-१९) बाट संक्रमित तेस्रो व्यक्ति यही चैत ६ गते कतारबाट नेपाल आएका बताइएको छ । सो कुराको जानकारी स्वास्थ्यमन्त्री भानुभक्त ढकालले बुधबार दिएका हुन् । ती संक्रमित युवक ३२ वर्षका हुन् । धादिङका उनी आफूलाई असहज भएपछि उपचारका लागि अस्पताल पुगेका र स्वास्थ्य परीक्षणपछि पनि पुनः होटलमै गएर बसेका थिए ।
मंगलबार टेकुस्थित शुक्रराज ट्रपिकल तथा सरुवा रोग अस्पतालमा पुगेका उनको संकलन गरिएको नमुना राष्ट्रिय जनस्वास्थ्य प्रयोगशालामा परीक्षणका लागि पठाइएको थियो । मंगलबार राति नै उनको रिपोर्ट पोजेटिभ आको हो । त्यसपछि बुधबार बिहान उनलाई अस्पताल भर्ना गरिएको हो । उनी कुन जहाजमा आएका हुन् र काठमाडौँको कुन होटलमा बसेका थिए भन्ने बारेमा भने केही बताइएको छैन । उनी बसेको होटल र अन्य आफन्तहरुको चेकजाँच के भइरहेको छ भन्ने बारेमा भने केही बताइएको छैन ।
