काठमाडौँ । जेन–जी आन्दोलनमा भएको दमन र आगजनी घटनाको छानबिन गर्न बनेको आयोगका पदाधिकारीहरूलाई काम रोक्न माग गर्दै सर्वोच्च अदालतमा रिट दायर गरिएको छ ।
अधिवक्ता विपिन ढकालले आयोगका अध्यक्ष गौरीबहादुर कार्की, सदस्य विज्ञानराज शर्मा र विश्वेश्वरप्रसाद भण्डारीविरुद्ध रिट दर्ता गरेका हुन् ।
ढकालले कार्की र शर्मामाथि घटनाबारे सार्वजनिक रूपमा धारणा दिएको कारण पूर्वाग्रही भएको आरोप लगाउँदै अन्तरिम आदेशमार्फत उनीहरूलाई काम गर्न रोक लगाउन माग गरेका छन् ।
रिटमा भण्डारीले पनि तटस्थता नदेखाएको उल्लेख गरिएको छ ।
सरकारले जेन–जी आन्दोलनपछिको जनधन क्षति छानबिनका लागि पूर्वविशेष अदालत अध्यक्ष कार्कीको नेतृत्वमा आयोग गठन गरेको थियो, जसको सचिवालय पुरानो प्रधानमन्त्री तथा मन्त्रिपरिषद् कार्यालयमा स्थापना गरिएको छ ।
