काठमाडौं । अन्तर्राष्ट्रिय प्रकृति संरक्षण संघ (आइयूसीएन) को साउथ एण्ड इस्ट एसियाको रिजनल काउन्सिलरमा नेपालबाट रोशनी अधिकारी पाठक निर्वाचित हुनु भएको छ ।
आइयूसीएनका सदस्य राष्ट्रका प्रतिनिधिले गरेको मतदानमा अधिकारीले सर्वाधिक दोश्रो मत पाउनु भएको छ । सात देशका उम्मेदबार रहेकोमा पाँच देशका उम्मेदबार निर्वाचित भएका छन् ।
जस अनुसार ७७२ मत सहित जापानका उम्मेबार निर्बाचित भए भने अधिकारीले ७७२ , चीनका उम्मेदबारले ६५३ ,मलेसियाका उम्मेदबारले ६११ र भारतका एक उम्मेदबारले ४८४ मत प्राप्त गरेका छन् ।
यूएइको आबुधाबीमा असोज २३ देखि सुरु भएको वर्ल्ड कन्जरभेसन कंग्रेसमा मतदानबाट काउन्सिलरको छनोट भएको हो ।
काउन्सिलर निर्वाचित अधिकारी २ दशकदेखि वातावरण पत्रकारिताको क्षेत्रमा क्रियाशिल हुनुहुन्छ । उहाँले सन् २०२२ अक्टोबर देखि २ वर्षे कार्यकालका लागि नेपाल वातावरण पत्रकार समूहको अध्यक्षको जिम्मेबारी निर्बाह गर्नुभएको थियो ।
अधिकारीले नेपालले व्यहोर्नु परेको जलवायु परिवर्तनको मुद्दालाई विश्व मञ्चमा पुर्याउने बताउनु भयो । उहाँले भन्नुभयो ‘म आइयूसीएनको काउन्सिलर निर्वाचित भएमा हिमालय क्षेत्रको संरक्षण र इको सिस्टम बचाउन अभियान चलाउने छु।’
