वरिष्ठ पत्रकार युवराज गौतमले देश यतिबेला निकै अप्ठेरोमा परेको राज्यप्रमुखका रुपमा राजा वीरेन्द्रको याद आएको बताएका छन् । उनले भारतमा नेपाली नागरिकले देश आउन नपाएर सडकमै बास बस्नुपरेको तर नेपाल सरकारले आफ्ना नागरिकलाई देश भित्र्याउन नसकेको अवस्थाको व्यंग्य गरेको संकेत गरेका छन् र आफ्नो फेसबुक स्टाटसमा यस्तो लेखेका छन् । उनको फेसबुक स्टाटसलाई यहाँ साभार गरिएको छ :
राजा वीरेन्द्रको पालामा भारतले नेपाल विरुद्ध पन्द्र महिना नाकाबन्दी गरेको थियोे ।
राजाले प्रधानमन्त्री मरिचमानसिंह श्रेष्ठलाई बोलाएर सोधेछन्- पीएम, इन्डियाले त्यहाँ काम गरेर बसेका सबै नेपालीलाई निकाल्ने भन्ने सुन्छु । कतिजनाले नेपालबाट गएर काम गरिरहेका छन् ? रिपोर्ट चाहियो।
प्रम श्रेष्ठले दस दिनको समय मागे । प्रहरी, प्रशासन, गुप्तचर सबैको रिपोर्ट आयो । प्रमले आठदिनमै राजालाई जाहेर गरे- सरकार, जम्मा तीन लाख सत्तरी हजार रहेछन्। उनीहरू नेपाल आएभने ऐलानी पर्ती जमिनमा म मिलाएर राख्छु।पढेलेखेका मानिसलाई रोजगारी मिलाउँछु।चिन्ता नलिई बक्स्योस् ।
राजाले भनेछन् , ‘कसैले दुःख नपाउन् ।’
युवराज गौतमद्वारा सम्पादित वीरेन्द्र स्मृति ग्रन्थमा मरिचमानसिंहको आलेखमा यसको चर्चा छ। राष्ट्रनायक र दलनायकको सोचमा कति अन्तर हुँदोरहेछ । राष्ट्र गम्भीर संकटमा छ । यो बेला राजा वीरेन्द्रको याद आयो । फेसबुक वालबाट साभार
