काठमाडौं। गृह मन्त्रालयले काठमाडौं जिल्ला प्रशासन कार्यालयको नेतृत्व परिवर्तन गर्दै सहसचिव ईश्वरराज पौडेललाई प्रमुख जिल्ला अधिकारीको जिम्मेवारी दिएको छ।
गृह मन्त्रालयका प्रवक्ता आनन्द काफ्लेले पौडेललाई काठमाडौंको नयाँ सीडीओका रूपमा नियुक्त गरिएको जानकारी दिएका छन्। पौडेल यसअघि ३३ किलो सुन प्रकरणको छानबिन समितिमा रहेर काम गरिसकेका छन्।
यसअघि काठमाडौं प्रशासनमा कार्यरत सीडीओ छविलाल रिजाललाई गृह मन्त्रालय फिर्ता बोलाइएको छ। भदौ २३ गतेको जेन–जी विद्रोहमा अत्यधिक बल प्रयोग गरेको भन्दै आलोचनामा आएका रिजाललाई मन्त्रालयले फिर्ता बोलाएको हो।
