काठमाडौं । राष्ट्रिय स्वतन्त्र पार्टीले आगामी कात्तिक १७ गते हुने प्रतिनिधि सभा रुपन्देही क्षेत्र नं. ३ को चुनावमा आफ्नो उम्मेदवार घोषणा गर्नुअघि प्रारम्भिक उम्मेदवारलाई डिनर गराएको छ ।
पार्टी कार्यालयमा आज साँझ रास्वपाले प्रारम्भिक ९ जना उम्मेदवारलाई डिनर गराएको हो ।
रास्वपाले भोलि आइतबार उम्मेदवारको टुंगो लगाउने छ । त्यसअघि प्रारम्भिक ९ जना उम्मेदवारसँगै कार्यवाहक सभापति डीपी अर्याल, महामन्त्री कविन्द्र बुर्लाकोटी, सहमहामन्त्री तथा लुम्बिनी प्रदेश इन्चार्ज विपिनकुमार आचार्य डिनरमा सहभागी भए ।
रास्वपाले उम्मेदवार छनोट गर्न प्रारम्भिक निर्वाचन गरिसकेको छ । त्यसको परिणामसहित आधिकारिक उम्मेदवारको घोषणा भोलि हुने छ ।
रास्वपाले रुपन्देही–३ का लागि भोलि आधिकारिक उम्मेदवार घोषणा गरे उम्मेदवार तोक्ने पहिलो दल बन्ने छ ।
