चितवन । भरतपुरको कोभिड–१९ प्रयोगशालामा भएको परीक्षणमा नवलपुरको देवचुली नगरपालिकाका थप दुई जनामा संक्रमण पुष्टि भएको छ । भरतपुर अस्पतालले शुक्रबार बिहान सूचना निकालेर यसको जानकारी गराएको हो ।
उनीहरू देवचुलीका ११ र १५ वडाका बासिन्दा हुन् । दुवै युवक जेठ ९ र १२ गते भारतबाट आएर नगरपालिकाको क्वारेन्टाइनमा रहेका थिए । जेठ १४ गते भएको नमुना परीक्षणमा उनीहरूलाई संक्रमण देखिएको हो । त्यस दिन ७१ वटा नमुना परीक्षण भएका थिए ।
यससहित चितवनमा १७ सय ५ वटा नमुना परीक्षण भएका छ । जसमध्ये १० जनामा संक्रमण भेटिएको छ । चार जना देवचुलीकै छन् । कुल संक्रमितमा नवलपुरका पाँच र चितवनका पाँच जना छन् । चितवनका दुई जना निको भएर फर्केका छन् । कान्तिपुर दैनिक
