काठमाडौँ । सुदूरपश्चिम प्रदेशका दुई जना मन्त्री सवार गाडी एक आपसमा ठोक्किएका छन् ।
मंगलबार कैलालीको चिसापनीमा आयोजित कार्यक्रममा जाने क्रममा भौतिक पूर्वाधार विकास मन्त्री सुरेन्द्र पाल सवार बा.२ झ १४१९ र आन्तरिक मामिला तथा कानुन मन्त्री हिरासिंह सार्की चढेको से.१ झ ३३० नंम्बरको गाडी एक आपसमा ठोक्किएका हुन् ।
सोही कार्यक्रममा सहभागी हुन प्रधानमन्त्री केपी शर्मा ओली पनि चिसापानी पुगेका छन् । मन्त्रीद्वय पाल र सार्की पनि त्यसतर्फ जाने क्रमम गाडी ठोक्किन पुगेको हो ।
घटना दिउँसो १ बजेतिरको रहेको बताइएको छ । गाडीमा क्षति भएपनि मानवीय क्षति भने नभएको प्रहरीले जनाएको छ ।
