काठमाडौँ । नेकपा (एमाले)का नेता कर्ण बहादुर थापाले घृणा, अपमान र निशेधको अन्त्य र जबजका मुल्य र मान्यतालाई स्थापित गर्न नयाँ संकल्प गर्न आह्वान गरेका छन् ।
सामाजिक सञ्जालमार्फत नेता थापाले यस्तो आह्वान गरेका हुन् । साथै, उनले स्वाभिमान र स्वतन्त्रताको लडाई नयाँ शिराबाट लडौँ भन्दै अपिल समेत गरेका छन् ।
उनले फेसबुकमा भनेका छन्–
घृणा, अपमान र निशेधको अन्त्य र जबजका मुल्य र मान्यतालाई स्थापित गर्न नयाँ संकल्प गरौ । स्वाभिमान र स्वतन्त्रताको लडाई नयाँ शिराबाट लडौ । हरेक विबेकशित एमाले कार्यकर्तासंग हार्दिक अपिल गर्दछु ।
हिजो मंगलबार सम्पन्न एमालेको केन्द्रीय कमिटी बैठकले पूर्वराष्ट्रपति विद्यादेवी भण्डारीको सदस्यता कायम नराख्ने निर्णय गरेको भोलिपल्ट नेता थापाले यस्तो प्रतिक्रिया दिएका हुन् । उक्त निर्णयमा उपाध्यक्षहरू सुरेन्द्र पाण्डे, युवराज ज्ञवाली र स्थायी कमिटी सदस्य थापाले असहमति जनाएका थिए ।
