• १ असार २०८१, शनिबार
  •      Sat Jun 15 2024
  •   Unicode
Logo

जन्ती बोकेको टिपर दुर्घटना हुँदा दुईको मृत्यु, चारको अवस्था गम्भीर



सिन्धुली। सिन्धुलीमा जन्ती बोकेको टिपर दुर्घटना हुँदा दुई जनाको मृत्यु भएको छ भने चार जना गम्भीर घाइते भएका छन् । दुधौली नगरपालिका–५ मा पर्ने ठाकुरखोलाको तीन नम्बर पुलमा टिपर दुर्घटना भएको प्रहरीले जनाएको छ । दुर्घटना आइतबार राति भएको हो ।

ना ३ ख ७४९० नं को टिपर बाडेगाउँबाट बेहुली लिएर उदयपुरको कटारी जाँदै गर्दा भएको दुर्घटनामा दुई जनाको मृत्यु भएको हो । मृत्यु हुनेमा उदयपुर कटारी नपाका २४ वर्षीय अजय दनवार र १९ वर्षीय दीपेन्द्र कुँवर रहेका छन् ।

प्रहरीका अनुसार उनीहरुको उपचारका क्रममा मृत्यु भएको हो । वरवधु अर्कै गाडीमा सवार थिए । जन्ती बोकेको टिपर आफैँ अनियन्त्रित भएर दुर्घटनामा परेको बताइएको छ । टिपरमा चालकसहित २८ जना सवार थिए । दुर्घटनामा छ जना गम्भीर घाइते भए पनि चार जनाको अवस्था अझ गम्भीर रहेको प्रहरीले बताएको छ ।