काठमाडौं । एसीसी यू-१६ इस्ट जोन कपको फाइनल खेल जित्न नेपालले ११४ रनको सामान्य लक्ष्य पाएको छ ।
टस जितेर पहिले ब्याटिङको निर्णय गरेको सिंगापुर ४०.५ ओभरमा ११३ रनमा अलआउट भएसँगै नेपालले सो लक्ष्य पाएको हो ।
सिंगापुरका लागि रोहन अस्टिनले सर्वाधिक २३ रन बनाउदा रिहान नाइकले १५ रन बनाए ।
नेपालका लागि अभय यादव र सुशिल बहादुर रावलले समान ३ विकेट लिए । शुभम खनालले २ तथा कप्तान बिपिन शर्माले १ विकेट लिए ।
नेपाल हालसम्म यस प्रतियोगितामा अपराजित छ । सिंगापुर भने समूह चरणमा नेपालसँग पराजित भएको थियो ।
नेपालले पहिलो सेमिफाइनलमा मलेसियालाई हराएको थियो भने सिंगापुरले अर्को समूहको विजेता टोली हङकङलाई हराएको थियो ।
अहिले नेपालले ब्याटिङ गरिरहेको छ ।
