काठमाडौँ । उज्वेकिस्तानमा जारी एएफसी महिला एसियन कप छनोट अन्तर्गत नेपालले विजयी सुरुवात गरेको छ ।
नेपालले लाओसलाई ९–० गोलले हराउँदै सानदार सुरुवात गरेको हो । नेपाललाई फराकिलो जित दिलाउन कप्तान सावित्रा भण्डारी ‘साम्बा’ एक्लैले चार गोल गरिन् ।
यस्तै, सरु लिम्बु, अनिता बस्नेत, रश्मी घिसिङ र अनिता केसीले एक–एक गोल गरे । एक गोल भने नेपालले उपहारस्वरुप पायो ।
नियमित कप्तान तथा गोलकिपर एन्जिला तुम्बाप्पो सुब्बालाई आज आराम गर्न दिइएको छ । नेपाल रहेको समूह ‘एफ’मा लाओससँगै उज्वेकिस्तान र श्रीलङ्का रहेका छन् ।
