चरणवद्ध रूपमा खुल्नुपर्ने लकडाउन एकैपटक खोलिएको छ । रेस्टुरेन्ट, मल र अन्य पसल जबरजस्ती खुलेका छन् । लकडाउन खुल्नु भनेको हामी संक्रमणमुक्त भयौं भन्ने अर्थमा बुझिएको छ । यो गलत बुझाइ हो, संक्रमणको जोखिम घटेको छैन बरु बढेको हो । सर्वसाधारण संक्रमण छैन जसरी हिँडिरहेका छन् । जनस्वास्थ्यको हिसाबले यो चिन्ताको विषय हो । यसले समुदायमा संक्रमण बढाइदिन्छ ।
लकडाउन भनेकै संक्रमणसँग कसरी बाँच्ने भनेर सिक्ने अवधि थियो । लकडाउन खुकुलो भयो तर सर्वसाधारणले सिकेको जस्तो देखिएन । सम्बन्धित निकायले पनि सही निर्देशन दिन जानेनन् कि ? संक्रमणको जोखिम टरेको छैन त्यसैले भौतिक दूरी कामय गरे घरबाहिर हिँड्नुपर्छ । अनिवार्य रूपमा मास्क लगाउनुपर्छ । व्यक्तिगत सरसफाइमा ध्यान दिनुपर्छ । लकडाउनमा मात्रै होइन, कोभिड–१९ संक्रमण वर्षौंसम्म रहन सक्ने भएकाले अब यस्तै जीवनशैली अपनाउनुपर्छ ।
