काठमाडौं । निर्वाचन आयोगले उपनिर्वाचन हुने क्षेत्रमा मतदाता नामावलीमा नाम दर्ता नगराएकाहरूले दर्ता गराउन आग्रह गरेको छ ।
निर्वाचनको मिति तोकिसकेपछि मतदाता नामावलीमा नाम दर्ता गर्न पाइँदैन । तसर्थ, उपनिर्वाचन हुने क्षेत्रमा नाम दर्ता गराउन आयोगले आग्रह गरेको हो ।
०७९ मा सम्पन्न भएको विभिन्न तहका निर्वाचन पश्चात् विभिन्न कारणले केही पदहरू रिक्त भएका क्षेत्रमा निकट भविष्यमा उपनिर्वाचन गर्ने गरी निर्वाचनको मिति घोषणा गर्ने तयारी भइरहेको आयोगले जनाएको छ ।
निर्वाचन आयोगले प्रधानमन्त्री केपी शर्मा ओलीसँग कात्तिकको दोस्रो साता उपनिर्वाचन गर्ने गरी छलफल गरिसकेको छ ।
