काठमाडौँ । प्रतिनिधिसभा बैठक सुरु हुने वित्तिकै विपक्षी दलहरूले अवरोध गरेका छन् ।
भिजिट भिसा प्रकरणमा गृहमन्त्री रमेश लेखकको राजीनामा तथा छानबिन समिति बनाउन माग गर्दै जेठ १३ गतेबाट अवरोध गर्दै आएका विपक्षीले आज पनि बैठक चल्न नदिएका हुन् ।
अब अर्को बैठक भोलि ३ बजे बस्ने भएको छ । सभामुख देवराज घिमिरेले बैठक सुरु गर्नेबित्तिकै प्रतिपक्षीहरूले उठेर विरोध जनाए ।
त्यसपछि पनि अवरोध जारी भएपछि सभामुख घिमिरेले भने ‘अब अर्को बैठक जेठ २९ गते बिहिबार दिनको ३ बजे बस्नेगरी स्थगित हुन्छ ।’
