काठमाडौं । पूर्वयुवराज्ञी हिमानी शाह र पूर्वनवयुवराज हृदयेन्द्र शाहले जुम्मा पुगेर सिंचाइ पोखरीको उद्घाटन गर्नुभएको छ ।
समुद्री सतहबाट २३०० मिटरभन्दा माथि जुम्लामा हिमानी र हृदयेन्द्रले निजी गुठीद्वारा निर्मित सिँचाइ पोखरीको उद्घाटन गर्नुभएको हो ।
राजी राणा तथा प्रभुशमशेर जबरा राणा निजी गुठीद्वारा जुम्लाको हिमा गाउँपालिका वडा नम्बर ७ मा निर्माण गरिएको उक्त सिँचाइ पोखरीबाट सयौं हेक्टर जमिनमा सिँचाइ सुविधा पुग्ने राप्रपाका सांसद ज्ञानबहादुर शाहीले बताउनुभएको छ ।
यस पोखरीको निर्माणले जुम्लाका किसानलाई स्याउ, आलु र मार्सी धानजस्ता बाली उत्पादनमा ठूलो सहयोग पुग्ने अपेक्षा गरिएको छ । यस सिँचाइ आयोजनाले स्थानीय कृषि उत्पादनमा महत्वपूर्ण योगदान पुग्ने छ ।
