काठमाडौँ । सभामुख देवराज घिमिरेले संसदको अवरोध हटाउने विषयमा प्रमुख दलका सचेतक र मुख्य सचेतकसँग आज पनि छलफल गरिरहेका छन् ।
सिंहदरबारमा नेपाली कांग्रेस, नेकपा एमाले र नेकपा माओवादी केन्द्रका सचेतक/मुख्य सचेतकसँग सभामुखले छलफल गरिरहेका हुन् ।
गृहमन्त्री रमेश लेखक भिजिट भिसा प्रकरणमा जोडिएको भन्दै उनको राजीनामा माग गर्दै विपक्षी दलहरूले संसद अवरोध गरिरहेका छन् ।
जेठ १५ गते बजेट ल्याउने दिनमात्रै संसदको अवरोध खुलाए पनि त्यसयता लगातार संसद चल्न सकिरहेको छैन ।
आज दिउँसो १ बजेका लागि प्रतिनिधिसभाको बैठक आह्वान भएको छ ।
