• ६ बैशाख २०८१, बिहीबार
  •      Thu Apr 18 2024
  •   Unicode
Logo
Latest
★   दाहाल, ओली र रविबीच भेटः राजनीतिक घटनाक्रमबारे समीक्षा ★   राष्ट्रिय मानव अधिकार आयोगको सचिवमा मुरारीप्रसाद खरेल नियुक्त ★   चीनको केन्द्रीय बैंकका पूर्वडेपुटी गभर्नरमाथि घुस लिएको आरोप ★   अल्पमत भयो भन्दैमा कुर्सी छोडेर हिँड्ने भन्ने हुँदैन, प्रक्रिया पूरा गर्नुपर्छः उद्धव थापा ★   मुनाफा नभए पनि टेलिकमले दूरदराजमा गुणस्तरीय सेवा दिनुपर्छः मन्त्री शर्मा ★   सुदूरपश्चिमको मुख्यमन्त्रीमा एकीकृत समाजवादीका सोडारी नियुक्त ★   मधेशका मुख्यमन्त्री यादवले गरे मन्त्रीपरिषद् बिस्तार ★   कोशी प्रदेश सभामा संकल्प प्रस्ताव टेबलः मागियो मुख्यमन्त्रीको राजीनामा ★   अरुको जस्तो मेरो पाइपलाइनमा १० वटा फिल्महरु छैनन्, अर्को फिल्म के हुन्छ थाहा छैनः अनमोल… ★   अल्पमत भयो भन्दैमा कुर्सी छोडेर हिँड्ने भन्ने हुँदैन, प्रक्रिया पूरा गर्नुपर्छ: उद्धव थापा

प्रधानमन्त्रीको अभिव्यक्ति गैर जिम्मेवार, उहाँको नै दिमाग खुस्केको होः  भीम रावल



काठमाडौं । अमेरिकी सहयोग मिलेनियम च्यालेन्ज कर्पोरेसन (एमसीसी)का विरुद्धमा निरन्तर आवाज उठाइरहनु भएका नेकपा एमालेका नेता भीम रावलको नामै लिएर प्रधानमन्त्री शेरबहादुर देउवाले गर्नु भएको कटाक्षप्रति नेता रावलले कडा प्रतिक्रिया जनाउनु भएको छ ।

नुवाकोटमा आयोजित एक कार्यक्रममा प्रधानमन्त्री देउवाले रावलमाथि विरोधका नाममा दुईजिब्रे व्यबहार गरेको र दिमाग खुस्केको आरोप लगाउनु भएको थियो ।

प्रधानमन्त्री देउवाको भनाई सार्वजनिक भएलगत्तै त्यसबारेमा न्यूजपोलारसँग कुरा गर्दै नेता रावलले भन्नुभयो, प्रधानमन्त्रीको भनाइ सुनेर भनाई आश्चर्य लाग्यो । कुन समयमा संसदमा टेबल भयो, कुन समयमा म मन्त्री थिएँ भन्ने समेत थाहा नपाउने प्रधानमन्त्रीकै दिमाग खुस्केको जस्तो लाग्यो । 

उहाँले अगाडि भन्नुभयो, केपी ओली दोस्रो पटक प्रधानमन्त्री हुँदा एमसीसी संसदमा पेश भएको र त्यस बेला म सरकारमा थिइनँ । यत्ति कुरा समेत थाहा नपाउने नालायक प्रधानमन्त्रीको अभिव्यक्ति निकृष्ट छ । 

नेता रावलले प्रधानमन्त्री देउवाको अभिव्यक्ति सुनेर आफूलाई लज्जाबोध भएको भन्दै एमसीसी कुन समयमा के भयो भन्ने थाहा नपाउने, झुटो बोल्ने प्रधानमन्त्री पदमा बस्न नैतिक रुपमा पनि  मिल्दैन । 

प्रधानमन्त्रीको गैरजिम्मेवार अभिव्यक्ति सुनेर आफूलाई हाँसो लागेको बताउँदै नेता रावलले भन्नुभयो, जानीबुझी बोलेको हो भने गैर जिम्मेवारी हो, जनतालाई भ्रममा पार्न निकृष्ट अभिव्यक्ति हो । यदि थाहा नपाई बोलेको हो भने उहाँको दिमाग खुस्केको मान्नुपर्छ । 

प्रधानमन्त्री शेरबहादुर देउवा नुवाकोटको किस्याङ गाउँपालिकाको प्रशासनिक भवन उद्घाटन समारोहमा सम्बोधन गर्दा नेता भीम रावलप्रति निकै आक्रामकरुपमा प्रस्तुत हुनुभएको थियो ।  

उहाँले नेता रावल प्रति लक्षित गर्दै भन्नुभयो, आफैँ सहभागी मन्त्रिपरिषद्को बैठकबाट संसदबाट एमसीसी पास गर्नुपर्छ भन्ने अनि खिलापमा बोल्दै हिँड्ने त्यो रावललाई लाज छैन । दुईजिब्रे कुरा गर्ने त्यो बेला किन मन्त्रीबाट राजीनामा नगरेको ? किन रावललाई मात्र टाउको दुख्छ यो विषयमा ?” 

एमसीसीका बारेमा जवाफ दिनै पर्ने भो भन्दै प्रधानमन्त्री देउवाले भन्नुभयो, “आफू (रावल) रक्षामन्त्री हुँदा एमसीसी संसदमा ल्याउने अनि विरोधमा बोल्दै हिँड्ने ? त्यसबेला के उनको दिमाग खुस्केको थियो ?