काठमाडौं । राष्ट्रिय प्रजातन्त्र पार्टी (राप्रपा) ले राजसंस्था पक्षधरहरू आन्दोलनमा सहभागी हुन आउने क्रममा विभिन्न नाकामा अवरोध भइरहेको जनाएको छ ।
राप्रपापार्टी प्रवक्ता मोहनकुमार श्रेष्ठले सामाजिक सञ्जालमार्फत विभिन्न भूगोलबाट काठमाडौं आइरहेका आफ्ना समर्थकहरूलाई नाकामा अनावश्यक सोधपुछ गर्ने काम भइरहेको जानकारी गराउनु भएको छ ।
उहाँले लेख्नुभएको छ- राजसंस्था पक्षधरहरुको आजबाट हुने आन्दोलनमा सहभागी हुन नौबिसे हुँदै काठमाण्डौं आइरहेका विभिन्न भुगोलका राष्ट्रवादी साथीहरुलाई रोक्ने, अनावश्यक सोधपुछ गर्ने र आवागमनमा बाधा उत्पन्न गरिएको भन्ने सुचना आएको छ। त्यसो नगर्न र सहज वातावरण बनाउन जिम्मेवारीपूर्वक प्रशासनको ध्यानाकर्षण गराउँदछु।
राजसंस्था पुनस्थापना धर्मनिरपेक्षता र संघियताको खारेजीको माग राख्दै राप्रपासहितका दलहरूको समर्थनमा राजसंस्थापक्षधरहरूले आज काठमाडौंमा प्रदर्शन गर्दैछ ।
