काठमाडौं । राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष रवीन्द्र मिश्रको बन्दी प्रत्यक्षीकरण मुद्दामा बहस सकिएको छ ।
सर्वोच्च अदालतका न्यायाधीशद्वय कुमार चुडाल र तिलप्रसाद श्रेष्ठको इजलासमा मुद्दाको सुनवाइ सकिएको हो ।
मिश्रका तर्फबाट कानून व्यवसायीहरू भीमार्जुन आचार्य, सतिश खरेल, गोविन्द्र बन्दी, राजु बस्नेत र विष्णु भट्टराईले उनलाई हिरासतबाहिरै राखेर अनुसन्धान गर्न माग गरेका थिए ।
मिश्रले पनि बहसमा आफूले राज्य विरुद्धको कसूर नगरेको बताएका छन् ।
