मिलान । बुधबार भएको 'सिरी ए' मा मायुभेन्टसले ससुलोसँग ३–३ को बराबरी खेल्दै शीर्ष स्थानमा नौ अंकको अग्रता लिन चुकेको छ । युभेन्टसले पछिल्ला तीन खेलबाट दुई अंक मात्र बटुलेको छ र अहिले ७७ अंकमा रहेको छ । यो दोस्रो स्थानमा रहेको एटलान्टना भन्दा सात अंकको अग्रता हो । अब लिगमा सात चरणका खेल बाँकी छन् ।
क्रिस्टियानो रोनाल्डोको लगातार ६ खेलमा गोलको यात्रामा बुधबार पूर्णविराम लागेको छ । र्को खेलमा लाजियो पनि युडिनेजीको हातबाट गोलरहित बराबरीमा रोकियो र उसको दोस्रो स्थानमा उक्लने मौका गुम्यो । लाजियो ६९ अंकमा तेस्रो स्थानमा रह्यो ।
युभेन्टसले डानिलो र गोन्जालो हिगुएनको गोलले सुरुमै २–० को अग्रता लिएपछि त्यसलाई कायम राख्न सकेन र एक समय ३–२ ले पछाडि रहन बाध्य रह्यो । खेलको ६४ औं मिनेटमा एलेक्स सान्ड्रोले बराबरी गोल गरे ।
