काठमाडौं । प्रधानमन्त्री वालेन्द्र शाहले चालु आर्थिक वर्षमा गरिने मुख्य काम तथा हासिल गरिने उपलब्धिका विषयमा मन्त्रीहरूसँग कार्यसम्पादन सम्झौता गरेका छन्।
सिंहदरबारस्थित प्रधानमन्त्री तथा मन्त्रिपरिषद्को कार्यालयमा आज आयोजित कार्यक्रममा मन्त्रीहरूले प्रधानमन्त्री शाहसँग कार्यसम्पादन सम्झौतामा हस्ताक्षर गर्दै सम्झौताको प्रति आदानप्रदान गरेका हुन्।
सम्झौतामा सरकारका प्राथमिकताका रूपमा रहेका सुशासन, सामाजिक न्याय र समृद्धिसँग सम्बन्धित काम तथा उपलब्धिलाई समेटिएको छ। सम्झौतामार्फत मन्त्रीहरूको जिम्मेवारी, कार्यसम्पादन र अपेक्षित उपलब्धिलाई स्पष्ट पारिएको जनाइएको छ।
यसैगरी, प्रधानमन्त्री शाहसँग नेपाल सरकारका मुख्यसचिव गोविन्दबहादुर कार्कीले पनि आजै कार्यसम्पादन सम्झौता गरेका छन्।
सरकारले कार्यसम्पादन सम्झौतामार्फत मन्त्रालय तथा सरकारी निकायको कामलाई थप परिणाममुखी, जिम्मेवार र प्रभावकारी बनाउने लक्ष्य लिएको छ।
