काठमाडौँ । नेपाली काँग्रेस सांसद विनोद चौधरीले आगामी बजेटमा गर्न सकिने कामहरु मात्र समावेश गर्न सुझाव दिनुभएको छ ।
संसद भवन परिसरमा सञ्चारकर्मीसँग कुरा गर्दै सांसद चौधरीले विगतमा भएका कमजोरीहरुबाट पाठ सिकेर भोलिका दिनमा गर्न सकिने काममात्र समावेश गरिनुपर्नेमा जोड दिनुभएको हो ।
उहाँले हरेक पटक बजेट आयो, पुरानै कार्यक्रमहरु राख्यो तर गर्न चाहीँ केही गर्न सकेन भन्ने खालका कार्यक्रमहरु ल्याउनेक्रम रोकिनुपर्नेमा जोड दिनुभयो । सांसद चौधरीले जति बोलेको हो त्यति गर्नेगरि बजेट ल्याउनुपर्छ भन्दै हल्का र सस्तो लोकप्रियताका लागि बजेट ल्याउनु भन्दा शतप्रतिशत कार्यान्वयनमा जानेगरि ल्याउनुपर्ने स्पष्ट पार्नुभयो । नीति तथा कार्यक्रममा प्रश्तुत भएका सबैकुरा बजेटमा समावेश गर्नुभन्दा छानेर आफ्नो क्षमता अनुकुलको बजेट बनाउनुपर्नेमा उहाँको जोड थियो । उहाँले नीति तथा कार्यक्रममा समावेश भएका सबै कार्यक्रम समेट्नुपर्छ भन्दा पनि चुनिएका क्षेत्रमा ध्यान केन्द्रित गरेर बजेट ल्याउन सरकारलाई सुझाव दिनुभयो ।
उहाँले भन्नुभयो, ‘अहिले यो बजेटमा गर्न सक्ने कुराहरुमात्र समावेश गर्ने र खर्च गर्नसक्ने क्षमताअनुसारको बजेट बन्नुपर्छ । अहिलेसम्म विकासमा १९ प्रतिशतमात्र बजेट खर्च भएको छ । हाम्रो घट्दो राजश्व, हाइड्रोपावर बाहेक कुनैपनि क्षेत्रमा नयाँ लगानी भएको छैन । व्यापार संकुचित हुँदैछ । डिमान्ड संकुचित हुँदैछ । उत्पादनमुलक क्षेत्र जसले रोजगारी दिने गर्दछ त्यो पाँच प्रतिशतभन्दा तल झरिसकेको अवस्था छ । जबकी दक्षिण एसियाली मुलुक भारत, श्रीलंका, बंगलादेशमा २० प्रतिशतभन्दा माथि छ । नयाँ नयाँ प्रोजेक्टहरुमा खाली प्रोजेक्ट भन्नका लागि संसदमा बजेट पछि टेबल ठटाउनकै लागि घोषणा गर्नुको सट्टा घोषण भइसकेका प्रोजेक्टहरु पूरा गर्नप¥यो । किनकी नामका लागि बहुवर्षीय भएका आयोजनाहरुलाई जसलाई ५० करोड चाहिन्छ त्यसमा एक करोड दिनुको कुनै औचित्य छैन । अर्कोकुरा सांसदलाई जिम्मेवार पनि बनाउनु प¥यो । अधिकार सम्पन्न पनि बनाउनु पर्यो । एउटा निर्वाचित सांसदको क्षेत्रमा चाहे त्यो संघीय होस्, चाहे प्रदेश होस् या स्थानीय प्रतिनिधि नै किन नहोस् कुनै आधिकारिक भुमिका छैन । जसले अनुगमन पनि गर्न सक्दैन, औपचारिकताका लागि बोलायो भने आउँछन् । किनकी उ त्यहाँको निर्वाचित प्रतिनिधि हो तर उसलाई त्यो अधिकार छैन । उसले त्यहाँ संवद्ध प्रोजेक्टका डेभलपमेन्टका मिसिनरी राखेर अनुगमन पनि गर्ने, सरकारलाई रिपोर्टपनि गर्ने, नपुगेको बजेटपनि थप्ने हुनुपर्छ ।
डा. बाबुराम भट्टराईको पालादेखि विभिन्न रुपमा भित्रिएकोस्वरोजगार अभियानले कतिजना स्वरोजगार भए त्यसको अनुगमन या डाटा केही छैन । आज राष्ट्र बैंकका प्रत्येक बाणिज्य बैंकका शाखा र बाणिज्य बैंकले, डेभलपमेन्ट बैंकका प्रत्येक शाखाले जन्माउनु पर्ने हो तर त्यसो हुन सकेको छैन । हामी उत्पादनमूलक क्षेत्रमा प्रतिष्पर्धी हुनसक्दैनौं भारत र चाइनासँग । कृषि क्षेत्रको हाम्रो उत्पादन घट्दो छ किनकी जमिन जोत्ने मानिस नै छैन । त्यसमाथि हाम्रो लागत ३० प्रतिशत बढ्दो छ । त्यसकारण सम्पूर्ण वस्तुहरु बाहिरबाट आयात गरेर खानुपर्ने अवस्था आइसकेको छ । त्यसैले अधुरा परियोजनाहरु पूरा गर्ने । सांसदहरुलाई जिम्मेवार बनाउँदै उनीहरुका क्षेत्रमा छरिएर रहेका साना साना कुराले ठूलो परिवर्तन ल्याउनसक्छ । ु
उहाँले साना साना कुरा बजेटमा समेट्नुको कुनै अर्थ नहुने भएकाले हुनसक्ने काममात्र बजेटमा समावेश गर्नुपर्नेमा जोड दिनुभयो ।
