काठमाडौँ । नेकपा स्थायी समितिको बैठक आज फेरि स्थगित भएको छ । यो बैठक यही साउन महिनाको १३ गते सम्मका लागि स्थगित भएको हो । आज बालुवाटारमा एकैछिन मात्र बसेको बैठक फेरि स्थगित भएको हो । १३ गत बिहान ११ बजेसम्मका लागि बैठक स्थगित भएको बताइएको छ ।
आज बिहान बसेको बैठकमा देशमा जारी रहेको बाढी पहिरो प्रभावितको उद्धार तथा राहातको लागि पार्टीले विशेष प्रस्ताव पारित गरेको स्थायी समिति सदस्य हरिबोल गजुरेलले जानकारी दिए । आजको बैठकमा पनि प्रधानमन्त्री ओली अनुपस्थित भएका थिए ।
प्रधानमन्त्री केपी ओलीको राजीनामा मागेपछि यो बैठक प्रभावित हुदै आएको छ । जारी स्थायी समिति बैठक पार्टीको आन्तरिक विवादका कारण न सुचारु हुने र नत समापन नै हुने अवस्थामा पुगेको छ ।
