काठमाडौं । गैरआवासीय नेपाली संघ (एनआरएनए)का संस्थापक अध्यक्ष उपेन्द्र महतोले मे महिनामा एनआरएनएको एकता महाधिवेशन हुन नसक्ने बताएका छन् । उनले मे मा हुने भनिएको महाधिवेशनमा आफ्नो कुनै संलग्नता नरहेकोसमेत बताएका छन् ।
महतोले हिजो साँझ विज्ञप्ति जारी गर्दै मे महिनामा तोकिएको अधिवेशन महाधिवेशन हुन नसक्ने भएकाले त्यस महाधिवेशनमा आफ्नो कुनै पनि संलग्नता र सहभागिता नरहने स्पष्ट पारेका हुन् ।
‘सम्पूर्ण साथीहरूलाई गैरआवासीय नेपाली अभियानलाई चिरस्थायी बनाउन अनावश्यक हठ त्यागेर मेलमिलापको वातावरण बनाउन हार्दिक अनुरोध गर्दछु। यस अप्ठ्यारो परिस्थितिमा धैर्य गरी आ–आफ्नो ठाउँबाट एकताको लागि पहल गर्नसमेत सबैमा अनुरोध गर्दछु,’ उनले भनेका छन् ।
