काठमाडौं । नेपाली कांग्रेसका सभापति शेरबहादुर देउवाले सत्ता समीकरण फेरबदल हुने कुनै सम्भावना नरहेको स्पष्ट पार्नुभएको छ ।
थाइल्याण्डको बैंककबाट आज स्वदेश फर्कदा विमानस्थलमा सञ्चारकर्मीहरूसँग कुरा गर्दै देउवाले सत्ता समीकरण फेरबदल हुने हल्ला मात्रै भएको बताउनु भयो ।
सभापति देउवासंगै रहनु भएकी परराष्ट्रमन्त्री आरजु राणा देउवाले सरकार परिवर्तनको हल्ला सत्य नभएको बताउनु भयो ।
उहाँले सरकार परिवर्तनबारे आएका समाचार हेरेर आफु छक्क परेको जनाउनु भयो । उहाँले भन्नुभयो ‘तपाईंहरुले आफैं भन्नुभो हल्ला भनेर, अलिअलि इन्टरनेटमेन्टका लागि पनि यस्ता न्यूजहरु आउने गर्छ ।’
उहाँले यसबारेमा प्रधानमन्त्री केपी शर्मा ओली र कांग्रेस सभापति शेरबहादुर देउवाबीच टेलिफोन कुराकानी समेत भएको जानकारी गराउनुभयो ।
