काठमाडौं । ‘इनफ इज इनफ’ अभियानका पाँच जना ५ जना अभियन्तालाई आज पक्राउ गरिएको छ । उनीहरुलाई आज प्रहरीले सिंहदरबारबाट पक्राउ गरेको हो । उनीहरु सिंहदरवार प्रवेश गर्न लागेका थिए । त्यस क्रममा उनीहरुलाई प्रहरीले पक्राउ गरेको बताइएको छ । तर यस विषयमा प्रहरीले भने केही बताएको छैन ।
अभियान्ताहरुले मन्त्री तथा सचिव विरुद्ध अख्तियारमा उजूरी दर्ता गरेका छन् । कोभिड — १९ को महामारीबाट नागरिकहरूलाई जोगाउन ठूलो बजेट खर्च गरेको तर त्यसको अनुगमन नभएकोले सो कार्यले भ्रष्टाचारलाई प्रोत्साहन दिएकोले अख्तियार दुरुपयोग अनुसन्धान आयोग ऐन, २०४८ बमोजिम सो विषय आयोगको क्षेत्राधिकारभित्र पर्ने भएकाले उनीहरू माथि अनुसन्धान गरी कारवाही गर्न आग्रह गरेका छन् ।
उक्त अभियानले भ्रष्टाचारका विरुद्धमा आभियान शुरु गरेका हुन् । साथै उनीहरूले अर्थ मन्त्रालयमा कोभिड १९ महामारी व्यवस्थापन, नियन्त्रण तथा रोकथामको लागि उक्त मन्त्रालयले संघीय सरकारका अन्य मन्त्रालय तथा त्यस माताहतका निकायहरू तथा प्रदेश तथा स्थानीय तहका सरकारहरूलाई विभिन्न शीर्षकमा गरेको खर्च अनियमित भएको भन्दै ती शीर्षकहरूमा भएको वास्तविक खर्चको विवरण माग गर्दै सूचनाको हकको निवेदन दर्ता गराएका हुन् ।
इनफ इज इनफका अभियन्ताहरूसँग सरकारले १२ बुँदे सम्झौता गरेर पनि माग पूरा नगरेकोमा असहमति स्वरुप वसन्तपुर दरबार क्षेत्रमा २०७७ श्रावण ३ गतेबाट सत्याग्रह गरिरहेका छन् ।
