काठमाडौं । उच्चस्तरीय राजनीतिक संयन्त्रको बैठक बसिरहेको छ । प्रधानमन्त्रीको सरकारी निवासमा बैठक जारी छ । सत्तारुढ दलहरुबीच नै सरकारको भविष्यलाई लिएर आशंका उब्जिरहेका बेला आज नेपाली कांग्रेस र नेकपा एमालेको उच्चस्तरीय राजनीतिक संयन्त्रको बैठक बसेको हो ।
सरकारको कामका विषयलाई लिएर नेपाली कांग्रेसका महामन्त्री गगन थापालगायतका नेताले चर्को आलोचना गरेपछि उच्चस्तरीय राजनीतिक संयन्त्रको बैठक बस्न लागेको हो ।
बैठकमा सरकारको कामकारबाहीलाई प्रभावकारी बनाउने र गठबन्धन दलले आलोचना नगर्ने विषयमा छलफल हुने बताइएको छ ।
संयन्त्रको बैठकमा प्रधानमन्त्री केपी शर्मा ओली, एमालेका वरिष्ठ उपाध्यक्ष ईश्वर पोखरेल ,उपप्रधान एवं अर्थमन्त्री विष्णु पौडेल,एमालेका महासचिव शंकर पोखरेल ,प्रधानमन्त्रीका मुख्य सल्लाहकार विष्णु रिमाल ,नेपाली कांग्रेसका सभापति शेरबहादुर देउवा, परराष्ट्रमन्त्री आरजु राणा देउवा, गृहमन्त्री रमेश लेखक सहभागी हुनुहुन्छ ।
