काठमाडौं । प्रभु बैंक लिमिटेड र गोरखा नगरपालिका–६, अर्घले स्थित गोरखा गार्डन होटल प्रा।लि।बीच विशेष छुट प्रदान गर्ने समझदारी पत्रमा हस्ताक्षर भएको छ।
सम्झौतामा प्रभु बैंकका गण्डकी प्रदेश प्रमुख राजु राना र गोरखा गार्डन होटलका अध्यक्ष सुरेन्द्र कुँवरले हस्ताक्षर गर्नुभएको छ ।
सम्झौताका अनुसार, प्रभु बैंकका ग्राहक तथा कर्मचारीहरूले बैंकको डेबिट वा क्रेडिट कार्ड तथा अन्य विद्युतीय माध्यममार्फत भुक्तानी गर्दा गोरखा गार्डन होटलमा उपलब्ध आवास, भोजन तथा मनोरञ्जन सेवामा १५ प्रतिशतसम्म विशेष छुट प्राप्त गर्नेछन्।
प्रभु बैंक लिमिटेड र गोरखा गार्डन होटलबीचको यो साझेदारीले गोरखाको पर्यटन प्रवर्द्धनमा टेवा पुर्याउनुका साथै बैंकका ग्राहकवर्गलाई थप सुविधा दिने विश्वास लिइएको छ।
