काठमाडौँ । काठमाडौं महानगरपालिकाले कवाडी संकलकलाई लछारपछार गरेको आरोपमा नगर प्रहरीलाई कारबाही गरेको छ ।
बुधबार बिहान साइकलमा हिँडिरहेका कवाडी संकलकलाई लछारपछार गरेको भिडियो सामाजिक सञ्जालमा भाइरल भइरहेको थियो ।
महानगरपालिकाले उक्त घटनामा संलग्न नगर प्रहरीलाई बर्खास्त गरिएको जनाएको छ ।
काठमाडौं महानगरपालिका–४ बालुवाटार क्षेत्रमा प्रहरीले अमर्यादित तथा गैह्रव्यवसायिक ढंगले सम्पादन गरेको भन्दै जिम्मेवारीबाट मुक्त गरिएको हो ।
महानगर नगरप्रहरी प्रमुख राजुनाथ पाण्डेले उक्त घटनामा संलग्नलाई पदमुक्त गरिएको जानकारी दिए ।
पदमुक्त गरिएका प्रहरीको नाम भने खुलाइएको छैन ।
