काठमाडौं । चैत महिनाका लागि वाणिज्य बैंकहरूले निक्षेपको ब्याजदर सार्वजनिक गरेका छन् ।
चैत १ गतेदेखि लागू हुनेगरि सार्वजनिक गरिएको नयाँ ब्याजदर अनुसार अधिकांश वाणिज्य बैंकहरुले फागुन महिनाको ब्याजदरलाई निरन्तरता दिएका छन् । समग्रमा व्यक्तिगत मुद्दती निक्षेपको औसत ब्याजदर फागुन र चैतको बराबर छ ।
चैतमा २० वाणिज्य बैंकमध्ये १७ बैंकले फागुनकै ब्याजदरलाई निरन्तरता दिएका छन् । यस्तै, हिमालयन, लक्ष्मी सनराइज र नेपाल बैंकले ब्याजदर घटाएको छ ।
बैंकहरूले चैत महिनाका लागि व्यक्तिगत मुद्दती निक्षेपमा दिने अधिकतम औसत ब्याजदर ५.९३ प्रतिशत छ । जुन, फागुनमा औसत ६.०१ प्रतिशत थियो ।
चैतमा एनआइसी एशिया बैंकको ब्याजदर सबैभन्दा धेरै ६.६ प्रतिशत छ । सिटिजन्स, नबिल, कुमारी, माछापुच्छ्रे, सिद्धार्थ, एभरेष्ट, राष्ट्रिय वाणिज्य बैंक, सानिमा, प्रभु, प्राइम कमर्सियल, स्ट्यान्डर्ड चार्टर्ड, नेपाल इन्भेष्टमेन्ट मेगा, एनएमबि, कृषि विकास बैंक, नेपाल एसबिआई बैंक र ग्लोबल आईएमई बैंकले फागुनकै ब्याजदरलाई निरन्तरता दिएका छन् ।
