काठमाडौँ । पेरिस सेन्ट जर्मेन (पिएसजी) च्याम्पियन्स लिग फुटबलको क्वाटरफाइनलमा प्रवेश गरेको छ ।
गएराति भएको दोस्रो लेगको खेलमा इंग्लिस क्लब लिभरपुललाई पेनाल्टी सुटआउटमा ४–१ ले हराउँदै पिएसजी क्वाटरफाइनलमा पुगेको हो ।
लिभरपुलको घरेलु मैदान एनफिल्डमा खेलको १२ औं मिनेटमा ओस्मान डेम्बेलेले गरेको गोलबाट पिएसजीले एग्रिगेटमा १–१ को बराबरी गरेको थियो ।
निर्धारित र अतिरिक्त समयसम्म खेल बराबरी भएपछि टाईब्रेकरमा धकेलिएको थियो । जसमा पिएसजी ४–१ ले विजयी बन्यो ।
हारसँगै लिभरपुलको च्याम्पियन्स लिगको यात्रा यहीँ सकिएको छ ।
