काठमाडौँ । नेकपा (एमाले) निकट अनेरास्ववियुले अस्कल क्याम्पस मदन भण्डारी स्पोर्टस् एकेडेमीका उपाध्यक्ष प्रकाश बयकमाथि प्रहरीले कुटपिट गरेको भन्दै घटनाप्रति आपत्ति जनाएको छ ।
सङ्गठनका अध्यक्ष समिक बडालले बिहीबार एक विज्ञप्ति जारी गर्दै उपाध्यक्ष माथि भएको घटनाप्रति ध्यानाकर्षण भएको जनाएका हुन् ।
नेपाल प्रहरीले गैरकानुनी तवरको धरपकड र ज्यादती निन्दनीय रहेको बताउँदै उनले यो घटनाको तत्काल छानबिन गरी दोषीहरूलाई कारबाही गर्न समेत माग गरेका छन् । अन्यथा यस किसिमका गतिविधि विरुद्ध संगठन आन्दोलनमा उत्रिन बाध्य हुने चेतावनी दिइएको छ ।
बुधबार राति अन्दाजी ७ बजेतिर नेपाल प्रहरीको प्रतिनिधि हुँ भन्दै दरबारमार्ग वृत्तको प्रहरीले अस्कल होस्टल बाहिर बोलाई उठाएर लगी टोखा पुर्याएर विभिन्न आरोपमा मुद्दा लगाउँछु भन्दै धम्की दिँदै नाक, मुख, आँखा सुन्निने गरी कुटपिट गरेको विज्ञप्तिमा उल्लेख गरिएको छ ।
