काठमाडौँ । फिल्म ‘एक्टरः टेक वन’ र ‘एक्टर’ का निर्माताबीच नामको विषयलाई लिएर भईरहेको विवादमा सहमति जुटेको छ ।
बिहीबार दिउँसो कानुन व्यवसायीहरूको सहभागितामा दुई पक्षबीच भएको छलफलपछि फिल्म ‘एक्टरः टेक वन’ लाई आजकै मितिदेखि प्रदर्शन गर्न दिने सहमति जुटेको हो ।
सहमति जुटेसँगै दुई पक्षले संयुक्त विज्ञप्ति जारी गर्दै ‘एक्टर’ का निर्माताले ‘एक्टरः टेक वन’ विरूद्ध काठमाडौं जिल्ला अदालतमा दायर गरेको मुद्दा पनि फिर्ता लिने सहमति भएको जानकारी दिईएको छ ।
साथै, फिल्मको प्रदर्शनमा सघाउन चलचित्र विकास बोर्ड, चलचित्र संघ र देशभरका हललाई अनुरोध समेत गरिएको छ ।
