काठमाडौं । सत्तारुढ नेपाली कांग्रेस संसदीय दलको बैठक आज पनि बस्दैछ । आज दिउँसो एक बजे संघीय संसदको लोहोत्से हलमा बैठक बस्न लागेको हो ।
बैठकमा कांग्रेसबाट सरकारमा सहभागी भएका मन्त्रीहरुको काम र प्रभावकारिताबारे सांसदले आफ्ना धारणा राख्नेछन् । त्यसपछि मन्त्रीहरुले यो अवधिमा गरेका आफ्ना कार्य र सांसदका जिज्ञासामा जवाफ दिने कांग्रेसले जनाएको छ ।
कांग्रेस संसदीय दलको बैठक हिजो पनि बसेको थियो । बैठकमा सभापति देउवाले सरकारले ल्याएका अध्यादेशको पक्षमा एकढिक्का भएर लाग्ने निर्देशन दिएका थिए । सरकारमा पार्टीको उपस्थिति बलिय बनाउने निर्णय पनि कांग्रेसले गरेको थियो ।
