१४ माघ २०८१, सोमबार
,
Latest
सम्पती शुद्धीकरणको ग्रे लिस्टमा नेपाल परे पनि तत्काल निस्कन सक्ने ठाउँ छः गभर्नर अधिकारी सम्पती शुद्धीकरण निवारणका लागि अनुसन्धान र अभियोजनको कामलाई तिब्रता दिन जरुरीः अर्थमन्त्री पौडेल चार देशीय महिला फुटबल च्याम्पियनसिपका लागि ३९ खेलाडीलाई प्रशिक्षणमा बोलाइयो महिला फुटबल टिमको मुख्य प्रशिक्षकमा राजेन्द्र तामाङ नियुक्त कांग्रेसको तराई-मधेस समन्वय विभागमा १० सदस्य मनोनयन यानिक सिन्नरले लगातार दोस्रो पटक अस्ट्रेलियन ओपन जिते दुई किशोरी मृत्युबारे गृहमन्त्रीको ध्यानाकर्षण उदयपुर बेलका क्षेत्रमा देखिन थाले गिद्ध नुन र मुटु रोगको सम्बन्ध टोकियोमा कविता सङ्ग्रह ‘देउता बनाउने कारखाना’को लोकार्पण
तपाईं के खोज्दै हुनुहुन्छ ?

ओली र देउवाबीच सहमति हुँदासम्म यो सरकारलाई कसैले हल्लाउन सक्दैन: मन्त्री गुरुङ



अ+ अ-

काठमाडौं । सञ्चार तथा सूचना प्रविधि मन्त्री पृथ्वीसुब्बा गुरुङले एमाले अध्यक्ष केपी ओली र कांग्रेस सभापति शेरबहादुर देउवा बिच सहमति हुँदासम्म यो सरकारलाई कसैले हल्लाउन नसक्ने बताउनुभएको छ ।

शनिबार लमजुङमा आयोजित कार्यक्रममा बोल्दै गुरुङले एमाले र कांग्रेस मिल्दा संसदमा अत्यधिक बहुमत पुग्ने भएकाले अरूका हल्लाले कुनै अर्थ नराख्ने बताउनुभयो । ‘कुनै साना पार्टीले निहुँ खोजेर यो सरकार ढल्नेवाला छैन, यो सरका आगामी चुनावसम्म सहज ढङ्गले अघि बढ्छ, सरकार ढल्छ भन्ने हल्ला प्रतिपक्षमा बस्नेहरूले आफ्ना कार्यकर्तालाई सान्त्वना दिन गरेको हल्ला मात्र हो’, उहाँले भन्नुभयो ।

अहिलेको सरकाले बलियो सरकार भएकोले तत्काल केही नहुने उहाँले बताउनुभयो । सरकार फेरिने कुने सम्भावना नरहेको गुरुङले प्रष्ट पार्नुभयो ।

जब जब मुलुकमा सङ्कट पर्छ त्यति बेला कांग्रेस र एमाले मिलेका उहाँले स्मरण गराउनुभयो । निर्दलीय व्यवस्था फाल्न होस् वा गणतन्त्र ल्याउन होस् सबै अप्ठेरा कालखण्डमा कांग्रेस एमाले मिलेका उहाँले बताउनुभयो । माओवादीको १० वर्षे द्वन्द्वको बेलमा धेरै मानिस मारिएका र दुःख पाएका कारण उनीहरूलाई शान्ति प्रक्रियामा ल्याउन पनि कांग्रेस र एमाले एक ठाउँमा उभिएका गुरुङले स्पष्ट पार्नुभयो ।

अहिले अर्थतन्त्र तहसनहस भएकोले त्यसलाई ठिक ठाउँमा ल्याउन कांग्रेस र एमाले एक ठाउँमा उभिएका उहाँले बताउनुभयो । अस्थिर सरकारको कारण मुलुकको अर्थतन्त्र तहसनहस भएको गुरुङले बताउनुभयो । मुलुकको अस्थिरता अन्त्य गर्न दुई ठुला राजनीतिक दल एक ठाउँमा उभिनु परेको गुरुङले स्पष्ट पार्नुभयो ।

प्रचण्ड नेतृत्वको सरकारले मुलुकको अर्थतन्त्रलाई ध्वस्त बनाउने काम गरेको उहाँले बताउनुभयो । कमिसनखोरसँग सरकार मिलेर मुलुकलाई अस्तव्यस्त बनाउने काम गरिएको उहाँको भनाइ छ ।

पुराना नीति र ऐनका कारण अहिले पनि नागरिकले सहज सेवा पाउन नसकेका उहाँले बताउनुभयो । त्यसैले त्यस्ता नीति र ऐनलाई परिवर्तन गरी सुधार ल्याउन सरकारले अध्यादेश ल्याएको उहाँले स्पष्ट पार्नुभयो ।

सहकारी ठगी प्रक्रियामा संलग्न सबैलाई कारबाही हुने पनि उहाँले स्पष्ट पार्नुभयो । यो कुनै एउटा व्यक्ति वा पार्टी विरुद्धको काम नभई नागरिकको सम्पत्ति सुरक्षाको काम भएको उहाँले बताउनुभयो । त्यसैले न्यायालय वा सरकारलाई गाली गरेर कुने पनि सहकारी ठग उम्कन नसक्ने उहाँले स्पष्ट पार्नुभयो ।