काठमाडौं । आईसीसी महिला यू–१९ विश्वकपमा समूह चरणको आफ्नो अन्तिम खेलमा नेपालले आज उपाधि दावेदार अस्ट्रेलियाको सामना गर्दैछ । यो खेल नेपाली समयअनुसार दिउँसो सवा १२ बजे सुरु हुने छ ।
समूह ‘डी’ अन्तर्गतको खेल मलेसियाको युकेएम वाइएसडी ओभलमा हुने छ ।
नेपालले पहिलो पटक अस्ट्रेलियाको सामना गर्न लागेको हो । अस्ट्रेलिया नेपाली युवा टोलीले सामना गर्न लागेको बलियो टोलीमध्ये एक हो ।
अघिल्ला दुवै खेलमा पराज बेहोरेको नेपाल सुपर सिक्समा पुग्ने सम्भावना न्युन छ । त्यसैले नेपाल साबिक उपविजेता अस्ट्रेलियाविरुद्ध विना दबाब मैदान उत्रिनेछ ।
नेपालले पहिलो खेलमा बंगलादेशसँग पाँच र स्कटल्यान्डसँग एक विकेटले पराजय बेहोरेको थियो ।
