काठमाडौँ । इंग्लिस प्रिमियर लिग फुटबलमा आर्सनलले बराबरी खेलेको छ ।
गएराति भएको खेलमा आर्सनलले एस्टन भिल्लासँग २–२ गोलको बराबरी खेल्दै अंक बाँडेको हो ।
घरेलु मैदानमा आर्सनलले लिएको दोब्बर अग्रता जोगाउन सकेन । खेलको ३५ औं मिनेटमा गाब्रियल मार्टिनेलीले र ५५ औं मिनेटमा काई हाभेर्ट्जले गोल गर्दै आर्सनललाई दुई गोलको अग्रता दिलाएका थिए ।
तर, ६० औं मिनेटमा योरी टिलेमान्सले र ६८ औं मिनेटमा ओली वाट्कीन्सले गोल गर्दै एस्टन भिल्लालाई हारबाट जोगाए । खेलको ८९ औं मिनेटमा आर्सनलका हाभेर्ट्जले गरेको गोलले मान्यता पाएन ।
बराबरीसँगै आर्सनल २२ खेलबाट ४४ अंकका साथ तालिकाको दोस्रो स्थानमा छ । भिल्ला ३६ अंकका साथ सातौं स्थानमा छ ।
