काठमाडौँ । नेपाली महिला टोली खो खो विश्वकपको उपाधि नजिक पुगेको छ । सेमिफाइनलमा युगान्डालाई पराजित गर्दै नेपालले ऐतिहासिक फाईनल यात्रा तय गरेको हो ।
भारतको नयाँ दिल्लीस्थित इन्दिरा गान्धी इन्डोर हलमा भएको सेमिफाइलनमा नेपाली महिला टोलीले युगान्डालाई ८९–१८ अङ्कले पराजित गर्यो ।
नेपालले उपाधिका लागि दोस्रो सेमिफाइनल भारत र दक्षिण अफ्रिकाबीचको विजेतासँग खेल्नेछ । यसअघि नेपाल समूह विजेता बन्दै सेमिफाइलनमा पुगेको थियो ।
नेपालको कुनै पनि टोली कुनै पनि खेलको विश्वकपमा फाइनलमा पुगेको यो पहिलो पटक हो ।
