एजेन्सी । डिफेन्डिङ च्याम्पियन नोभाक जोकोभिच पोर्चुगलका जैमे फारियालाई हराउँदै अस्ट्रेलियन ओपन २०२५ को तेस्रो चरणमा प्रवेश गरेका छन् ।
बुधबार रड लेभर एरिनामा भएको खेलमा सर्बियाकी स्टार टेनिस खेलाडीले फारियालाई ६-१, ६-७, ६-३, ६-२ ले हराएका हुन् ।
यो जोकोभिचको आफ्नो ग्रान्ड स्लाम करियरको ४३० औं एकल खेल थियो । यो अंक छुने उनी पहिलो खेलाडी बनेका छन् । उनले स्वीस खेलाडी रोजर फेडेरर (४२९) लाई पछाडि छोडे । सूचीमा अमेरिकाकी सेरेना विलियम्स (४२३) तेस्रो स्थानमा छिन् ।
जोकोभिचले गत वर्ष जनवरीमा अष्ट्रेलियन ओपन, जुनमा फ्रेन्च ओपन र सेप्टेम्बरमा युएस ओपन सहित चारवटा ग्रान्डस्लाम प्रतियोगिताहरू जितेका थिए । उनी विम्बल्डनमा दोस्रो भए । सेप्टेम्बरमा, उनले यूएस ओपन जितेर आफ्नो करियरको २४ औं ग्रान्ड स्लाम जितेका थिए ।
चार पटकका ग्रान्डस्लाम च्याम्पियन कार्लोस अल्काराज बुधबार जितसँगै तेस्रो चरणमा प्रवेश गरेका छन् । स्पेनका तेस्रो वरियताकाले जापानका योशिहितो निशिओकालाई सोझो सेटमा हराए ।
मार्गरेट कोर्ट एरिनामा भएको दोस्रो चरणको खेलमा उसले ६-०, ६-१, ६-४ को सोझो सेटमा जित हात पारेको हो। यो खेल ८१ मिनेटसम्म चलेको थियो ।
