काठमाडौं । महाअभियोग लागेका दक्षिण कोरियाली राष्ट्रपति योन सुक योल पक्राउ परेका छन् । अदालतले वारेन्टलाई लम्ब्याउने अनुमति दिएपछि अनुसन्धानकर्ताले योनलाई गिरफ्तार गरेको हो ।
योनलाई पक्राउ गर्ने यसअघिको प्रयास भने सफल भएको थिएन ।
डिसेम्बरमा सैन्य शासन लगाउन गरेको असफल प्रयासपछि उनीमाथि राज्य द्रोहको आरोप लागेको छ। केही समय अघि मात्र युनको सुरक्षा निकायका उपप्रमुख किम सुन होङ गिरफ्तार भएका थिए।
प्रेसिडेन्ट सेक्युरिटी सर्भिस (पिएसएस)ले यस अघि गिरफ्तारीको प्रयास असफल बनाएको थियो। अहिले पनि पिएसएसले राष्ट्रपतिलाई कडा सुरक्षा दिइरहेको थियो ।
