काठमाडौँ । मलेसियामा हुने यू-१९ महिला विश्वकप क्रिकेट खेल्ने नेपाली यू–१९ महिला टिमको बिदाई गरिएको छ । नेपाल क्रिकेट संघ (क्यान)ले शुक्रबार काठमाडौंमा एक कार्यक्रमको आयोजना गरी टोलीको बिदाई गरेको हो ।
यू–१९ महिला टिम शनिबार दिउँसो मलेसिया प्रस्थान गर्ने छ । युवा तथा खेलकुदमन्त्री तेजुलाल चौधरी, क्यानका उपाध्यक्ष रोशन सिंह, सचिव पारस खड्का लगायत क्यानका सदस्य तथा महिला सिनियर टिमकी कप्तान इन्दु बर्माले शुभकामना सहित टोलीको बिदाई गरेका हुन् ।
समूह ‘डी’ मा रहेको नेपालले पहिलो खेल जनवरी १८ मा बंगलादेशसँग खेल्नेछ । दोस्रो खेल जनवरी २० मा स्कटल्याण्ड र तेस्रो खेल जनवरी २२ मा अष्ट्रेलियासँग खेल्नेछ । विश्वकपअघि नेपालले दुई वार्मअप खेल पनि खेल्नेछ ।
नेपाली महिला यू-१९ टोली
पूजा महतो (कप्तान),सोनी पाख्रिन (उपकप्तान), साना प्रविन, ज्योत्सनीका मरासिनी, कुसुम गोदार, अलिशा कुमारी यादव,सावित्रा धामी, तृषना विक, किरन कुमारी कुवँर, रिया शर्मा, रचना चौधरी, सिमाना केसी, स्नेहा महरा,अनु कडायत र कृष्मा गुरुङ ।
