एजेन्सी । रामचरण र कियारा आडवाणी स्टारर फिल्म ‘गेम चेन्जर’ जनवरी १० मा रिलिज हुँदैछ । फिल्म रिलिज हुनुअघि आन्ध्र प्रदेशको राजमुन्द्रीमा फिल्मको प्रि-रिलिज कार्यक्रम आयोजना गरिएको थियो, जहाँबाट रामचरणका दुई फ्यानको दुर्घटनामा मृत्यु भएको छ ।
फिल्म गेम चेन्जरका मुख्य अभिनेता राम चरण र आन्ध्र प्रदेशका उपमुख्यमन्त्री पवन कल्याण पनि राजमुन्द्रीमा आयोजित पूर्व-रिलीज कार्यक्रममा उपस्थित थिए ।
डिसेम्बर ४ मा भएको कार्यक्रममा राम चरणका दुई फ्यान अर्वा मणिकान्त (२३) र थोकडा चरण (२२) पनि सहभागी भएका थिए । कार्यक्रम सकिएपछि मोटरसाइकलमा फर्कदै गर्दा राति करिब ९ः३० बजे तिव्र गतिको भ्यानले उनीहरुलाई ठक्कर दिएको थियो ।
दुवैलाई तत्कालै नजिकैको पेड्डापुरम अस्पतालमा लगिएको थियो, जहाँ चिकित्सकले उनीहरूलाई मृत घोषणा गरेका थिए । दुवै फ्यान काकीनाडा जिल्लाका बासिन्दा थिए ।
दुर्घटनापछि चलचित्रका मुख्य कलाकार रामचरणले मृतकका परिवारलाई ५र५ लाख रुपैयाँ आर्थिक सहयोग गरेका छन् । यसका साथै पवन कल्याणले परिवारलाई पाँच लाख रुपैयाँ दिने वाचा पनि गरेका छन् ।
